推介幾篇曾經超級爆紅的『沉船故』(18+,慎入)

今次介紹的是港式網絡小說中的長青熱門類型:沉船故。

沉船,即係「不能自拔,不能自救咁沉溺入一段關係」的意思,當中可以係愛情,但好多時都係夾雜埋肉體關係。而好多時,沉船故被簡單歸類為「甜故」,但其實沉船故會令人產生一種「睇完好心『UP』」,好『鄧』個男主角或女主角唔抵,好想有情人終成眷屬的心態,身為讀者睇完眼濕濕覺得心情得到一場發洩,都好舒服㗎。當然,呢啲故唔一定係Sad Ending,要睇吓個作者人品啦。(本文介紹者:阿暖)


1.《自從住咗hall先知,扑野原來可以咁簡單》作者:乳陰服務熱線(?)

簡介:成日聽人講住hall好淫亂,住完先知原來唔係都市傳說。 「屌,扑野咋嘛,有幾咁閒姐。」 Ok,願聞其詳。

推介理由:呢篇擺第一因為而家正值九月,應該有好多同學仔會有共鳴(或者只係好奇?)。但呢篇文章堪至《紙言》網站其中一篇長青樹,每年暑假到開學期間必上人氣十大,係熱門得好緊要。如果想睇啲妄想型甜故,睇下呢個世代大學生的宿舍生活同心理狀態,呢篇唔駛講一定要睇左先。呢篇文章的寫實性曾引來報章撰文及訪問咗作者,可以話係同類文章的表表者。


2.《家姐的底底誤我終身》 作者:老喬的奇妙故事

簡介:我記得呢篇應該係本年度稱霸紙言人氣榜最長的霸者,篇幅短短,但竟然歷久不衰,仲打上埋累積人氣榜,係非常罕見的超火爆『甜故』。想睇啲比較新又高質的甜故,呢篇應該係第一選擇。


3.《我鍾意左隻Hall雞》 作者:蕭藍

簡介:大概我們都遇到過Eve。她是那個其實不太熟,卻與你遇然有過最切身接觸的女人。儘管竭力把觸動歸類為錯覺,你還是不能自拔地把自己心中的所有美好想像投射在她身上。她的放蕩是率性;她的冷漠是矜持;她的沉默是溫柔。你漸漸無法分辨與她那獨一無二的互動是源自兩者靈魂的契合,抑或純粹是你自作多情的主觀感受 。 不過,也許這一切紊亂都不重要:也許一如小王子愛玫瑰,你愛上的是那任性的自己,堅持下去是為了替自己默默打氣;求之不得卻欲罷不能,你一再握緊,又被刺破;滿身鮮血,反而讓你感悟眼前紅花的滄桑,又再沉淪。 擁抱你是自虐,難道釋懷不是?我們若能在消磨彼此之中有一刻溫存,大概足矣

推介理由:呢篇應該係《家姐底底》之前,同樣喺《紙言》稱霸咗好耐的人氣王。對呢隻Hall雞的描述,好多連登仔深受共鳴!亦恭喜呢位新晉作者成功出書,鍾意呢個故事的朋友,可去買返本珍藏吓!


4.《我家姐係公廁》 作者:夜晚聽李宗盛

簡介:每個有阿哥嘅人,總會幻想自己有個家姐會幾好。因為不外乎對「家姐」宜種生物會有憧憬,認為佢地會好呵護、體貼、關心自己細佬。

推介理由:呢篇作者當年有喺高登追Live,真係超有吸引力,成晚按「F5」等樓主更文,內容又夠甜,個家姐又夠可愛(係真係好想去愛佢而唔係只同佢有肉體關係),亦係當年論壇人肉置頂,超爆熱作。據講作者係開分身出PO,真身係著名人氣作家,不過我哋唔好踢爆,踢爆咗佢亦唔會認。但好文不能不推。


5.《[史詩式叫雞報告] – 東莞的森林》 作者:向西村上春樹

推介理由:呢篇連戲都拍埋出嚟,可以話係沉船故中的最高境界了。向西亦應該係呢一代香港網絡作者中,跑得最前的一位。鍾意睇沉船故無理由無睇過呢篇,道盡東莞一個美好年華的傑作。


6.《嫖一次, 讓我的一生變得糜爛不堪》 作者:張飛人

推介理由:呢篇係我所知,幾乎係最初代「叫雞沉船故」中最紅的作品,係真係好多人追。而家疫情當道可能叫雞的人都少左(笑),但呢篇文道盡一代「唔小心鍾意咗隻雞」毒撚的心聲。


其他推介:

發佈留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料