今次介紹一啲得獎的網絡作家。得獎，當然唔係指好悶好藝術嗰啲文學獎啦！不過受到傳統出版界肯定的作者，文章肯定有一定質素！貴精不貴多，只介紹三位。（本文編者：阿暖）
黑貓C （有翅膀的黑貓）
推介原因：相信有喺紙言追開文的，都知道邊個係黑貓C。佢係曾經以《等級一開始到武林盟主》長期稱霸紙言的人氣作者，轉型寫推理故，仲喺台灣攞埋獎！佢而家喺台灣有定期出書，題材廣泛，好似推介的輕小說《末日前，我把惡魔少女誘拐回家》都有全套出版，前途無可限量！可惜得獎的作品無喺網上有試睇流傳，睇住《末日》先！
攞咩獎？《歐幾里得空間的殺人魔》（第五屆金車．島田莊司推理小說獎首獎）
推介作品：《末日前，我把惡魔少女誘拐回家》（免費全文）
有關黑貓C的一篇專訪。
作者FB專頁：https://www.facebook.com/curonecoc/
解虫
推介原因：呢位應該算係《Penana》網站的招牌作者之一，得獎作品《知節》獲得喬靖夫和陳浩基力讚，不過人氣上就唔及同站大熱的葉嘉勞和楓城，有種遺珠感，想睇好文的朋友唔好錯過咗啊！筆者推介的《無常之符》雖然唔係得獎之作，但因為全文免費，大家可以試下睇睇，啱口味再考慮支持作者！
攞咩獎？《知節》（第一屆天行小說獎得奬作品）
推介作品：《無常之符》（免費全文）
作者FB專頁：facebook.com/storycrab
高普
推介原因：雖然高普主要喺台灣活躍，亦喺台灣攞獎同出書，但以我所知（好似係），高普應該係香港人嚟，而且早期亦喺網上免費發表小說起步。呢篇《新企業神話》喺網上流傳咗好多好評，結果攞左一個大獎，從此佢就簽左出版社而出咗一系列的作品，係一個草根成功的典範！呢個獎點解勁？因為贏左中國咯！
攞咩獎？《新企業神話》（「兩岸文學PK大賽」首獎作品）（免費全文）
其他推介：