歷數香港網文中最賺人熱淚的『女神故』(愛情故事)!

各位好!今次為大家介紹的係「女神故」,即係以男仔為主角的愛情小說!呢類小說容易引起共鳴,但又唔限於男仔啱睇,比如小姓奴的愛情故,都好多女讀者鍾意!重點係有笑有淚,好似寫緊某部份的自己,睇完可能喊到收唔到聲,又或者內心覺得好完滿。

以下介紹的是大約近十年曾經大爆紅過的香港本地網絡「女神故」,應該全部都出自網文搖籃「高登」同埋「連登」,而且好幸運「紙言」都有收錄,可以免費睇哂全文!不過通常好多人睇完都會鐘意到書展買返哂嚟珍藏⋯⋯以下幾乎都有出書,亦係每年書展的大熱長銷作品呢!(本文筆者:阿暖)


《我將一位宅女變成女神,然後再將自己變成佢隻兵》作者: 孔明

我將一位宅女變成女神、然後再將自己變成佢隻兵(完全版)

簡介:阿靜(何妍靜)是一位宅女,只知自身條件不好,沒資格喜歡人,終日埋首屬於自己的世界,不過阿靜內心深處仍然期求一段刻骨銘心的戀愛經驗。主角阿明(劉啟明)不忍心看到好友阿靜這樣,覺得浪費了她所擁有的本錢,決心幫她打扮,教她如何控制男人的心,收兵技巧,玩弄愛情手段,同時亦幫助阿靜改善溝通技巧,擴大社交圈子,務求將這位宅女塑造成大家心目中的女神,一個擁兵自重的娘娘。但阿明慢慢發現,他對阿靜產生了愛意,在追求期間,不知不覺間,他發現自己竟成為了阿靜的一隻兵,同時大學生活將會對阿明所擁有的友情,親情,愛情帶來新的衝擊……如果你有興趣看劉啟明的故事,讓我們一起進入劉啟明的世界,感受一下中學和大學的青春。

推介原因:呢篇係筆者必然之選,甚至喺之前的推文中已稱讚過幾次。呢篇絕對係近十年香港網絡愛情小說,唔係,係近十年寫得最好的香港小說(筆者個人認為)!呢篇可堪稱為屬於香港人的《挪威的森林》,年青世代的心態,愛情觀,以至社會狀況,全部共冶一爐而且有好好的化學反應,而且重點係,好好睇!

https://www.shikoto.com/articles/2371.html

《我老母話我有未婚妻》作者:八輩子的約定

簡介:老實講,事緣係咁,今日放學等升降機返屋企期間,係電梯大堂見到個好生面口既女仔,我一入大堂就同佢對望左下,自問雖樣毒,但係個心係正常人,對住佢微笑點左下頭,佢都對我點左下頭,然後就無出聲係到等升降機,基於我屋企大堂係有三部升降機,1部單數樓層,1部雙數樓層,重有部係咩樓層都到既,個女仔就企左係我隔離望住同一部升降機,咁姐係代表佢都係住單數樓層啦?但係我見都未見過佢係到住左十幾年,而且佢套校服都係都唔係呢區,咁應該係外區學校黎,心裡面就諗佢九成九係上黎搵男朋友扑野啦屌…

推介原因:呢篇已被高登/連登仔傳頌為神作,講起愛情故好多人都會好快諗起「八輩子的約定」呢個作者名。

https://www.shikoto.com/articles/726.html

《寫一首情詩畀暗戀女仔,點知佢出返條謎題畀我…. 》作者: 西樓月如勾

博客來-寫一首情詩給暗戀女孩,她反出一道謎題給我

簡介:寫一首情詩給喜歡的女生,為要人生無憾一次。

推介原因:清新風格的愛情故,亦係筆者個人的至愛!

https://www.shikoto.com/articles/120452.html

《無啦啦多左幾個家姐同阿妺》作者:尖下巴魯路修

簡介:主角陳煒明,高登仔一名,在一個機緣巧合之下,靠母幹變成左一個有錢人。 仲多左三位家姐、一位阿妺。 而自已既女神Sarah忽然變左三家姐,到底阿明最後溝唔溝到Sarah呢, 而面對好友Anna鍾意自己,阿明會否放棄Sarah? 故事就在此開始… p.s 小弟係續寫,原作係「我女友白石麗」巴打,遲下會話俾大家知邊part係小弟手筆~

推介原因:呢個故而家連載緊第三季,係長青人氣作品。

https://www.shikoto.com/articles/94873.html

《女神話我考第一就畀我中出》作者:軒達臣

簡介:女神同我講,考到第一就乜都得…

https://www.shikoto.com/articles/22262.html

《我被寄宿到糖果女孩的家中》作者:墨說

我被寄宿到糖果女孩的家中(完全版)

簡介:這是命中注定的來訪,把妳我人生再改寫。

推介原因:墨說寫咩都得,呢篇愛情小品應該係佢的早期成名作之一。除左《病港》,都可留意吓呢位作者的愛情小說!

https://www.shikoto.com/articles/19270.html

《我在IG Shop買了一個流星少女》作者:木鎷紫柃

簡介:你有沒有想過,自己能夠在IG Shop買到一個美少女? 男主角馬家樹,就在一個偶然的機會下購買了女主角劉星瑤,展開了他們的奇妙旅程。 然而,流星雖燦爛美麗,卻一閃即逝。 這個限定商品,也許早就附上了期限。 地下的樹和天上的星,從來也是被命運作弄的一對。

https://www.shikoto.com/articles/67290.html

《無啦啦有兩條女同左我一齊住》作者:西野七瀨

簡介:故事講述主角江天池慘被母親玩弄,要到姑丈家中居住最少三個月…. 在母親的穿針引線下,阿池要與兩位素未謀面的女性:溫柔體貼的’白滑女神’阿白,以及口硬心軟的’D cup大波妹’游智詩同居….. 三人的故事,就從9月1日開始….

https://www.shikoto.com/articles/46472.html

【殘忍的偷戀】《原來愛上人妻比失戀更殘忍》作者:林俊傑(小姓奴)

殘忍的偷戀

簡介:誰想愛一個不能愛的人?誰想當一個破壞者負上第三者之罪?

推介原因:講起愛情小說,點可以唔提元祖級的小姓奴?佢的文章應該係以上作者中最「大人」的,唔係講成人情節,而係佢勾勒當代都市人的愛情觀,寫得超級真實而又深受大家共鳴。

https://forum.hkgolden.com/thread/4926555/page/1

其他推介:

發佈留言

這個網站採用 Akismet 服務減少垃圾留言。進一步了解 Akismet 如何處理網站訪客的留言資料