推介五部超長篇大熱香港小說(免費睇!)

疫症期間‧喺屋企無聊無嘢做

最啱睇文!

五篇超長篇大熱小說(香港作者原創)請注意排名不分先後。本篇作者:阿暖

1. 病港 (作者墨說)

圖像中可能有1 人、顯示的文字是「出版豊林文化 發行 2020香港書展 攤位1C- c16 大結局 VII 若不曾見過陽光 病 我本可忍受黑暗 說 作 II III 泡 集 卷一至八 IV VI VII 」

簡介:微笑的病者,不笑的人類。類型:末世類。

推介原因:相信有玩開高登或連登(LIHKG)講故台的朋友,好少唔識墨說呢位年輕作家。二十出頭左右已經著作等身,而且佢寫作範圍好闊,咩題材都有涉獵,當中佢有篇《14天》係本篇作者近年最鍾意的奇幻愛情小說。今次推介的《病港》係墨說比較新的作品,超長篇,聽講而家連載到第二季添!第一季喺《紙言》有得免費哂,未認識墨說的朋友可以先了解一下佢文路。喜歡的朋友,可以買齊一套八冊實體書(豐林文化出)支持本地作者呢!(好似第二季仲可以網上訂閱啊)

病港在《紙言》的文章連結:https://www.shikoto.com/i/KKA

墨說Facebook專頁

2. 《異界之我本平凡》作者:葉嘉勞。類型:異界。

簡介:魔法,鬥氣的異界大陸,充滿著奇幻的色彩。各種炫目神奇的冒險讓人著迷。許多許多小說的主角總是帶著外掛在異界横行無忌,而我筆下的主角只是一個平凡人。 請耐心看看這個平凡人如何過他不平凡的人生。章數不多,只不過有六百多章而已!!

推介原因:Penana網站的台柱作品之一,喺高登、連登、紙言時期都累積咗一定支持者,係好經典的超長篇奇幻世界冒險故事。香港創作同類型的作者唔好,但能夠堅持到咁長篇,而且受歡迎程度歷久不衰,葉嘉勞算係其中一位表表者啦!《我本平凡》亦已連載到第二季(佢話叫下篇),未開始追的朋友要快啲入坑啦!聽講《我本平凡》有出實體書,而且可以喺Penana打賞或訂閱支持。

我本平凡在《Penana》的文章連結:https://www.penana.com/story/2201/

葉嘉勞Facebook專頁

3. 《魔瞳》作者:邦拿。類型:黯黑魔幻

簡介:主角畢永諾,自幼生性孤癖,在十六歲的某天,他突然被一陌生男子強行塞上『魔瞳』,蛻變成魔。後來,他慢慢了解到,自己的命運天生就連繫著天下群魔,以及世界末日的秘密…… 

推介原因:邦拿可以話係香港第一代成名的網絡作家,《魔瞳》嘅地位甚至已經到達傳說級,未睇過唔好話自己鍾意追文的地步。邦拿亦係本篇作者超過十年的朋友,並曾經共同為文學並肩作戰多年,佢對寫文、對故事創作的執著,喺香港網絡文壇好少有人比得上。因此,邦拿的小說亦是質素保證!同本篇其他推介一樣,《魔瞳》都係由作者本人公開咗免費章節,大家可以合法任睇,當然,欣賞作者又有能力的朋友,可以買實體書支持吓。《魔瞳》實體書已出到第五冊啦(夢繪文創出版)。

魔瞳在《紙言》的文章連結:https://www.shikoto.com/i/sP

邦拿Facebook專頁

4. 《遊戲之道》作者:楓成;類型:網遊玄幻

簡介:一切有為法,如夢幻泡影。

推介原因:Penana另一部台柱之作。係香港另一位非常有魄力,持續創作超長篇的人氣作者。《遊戲之道》係香港少見的網遊類小說,好適合消閒閱讀的作品。呢位作者仲有幾篇小說都非常受歡迎,包括《破紋夜》、《三魂行》等,喺Penana網站內,你將會見到自願俾錢打賞楓成作品的讀者非常多,可見楓成係一位『含金量』非常高的作家。

遊戲之道在《Penana》的文章連結:https://www.penana.com/story/35906/

楓成Facebook專頁

5. 《混沌虛無》作者:歐子爭;類型:玄幻

簡介:一個由《探天卷》引起的故事

推介原因:喺連登、紙言、Penana都擁有超巨量人氣的作者,文章更新很快,而且擁有魔性的筆力,其貫穿多套作品的『先生系列』令無數讀者為之神魂傾倒,可以話係擁有最完整全作品世界觀的香港作家,一入坑就控制唔到要睇哂佢全部作品。歐子爭非常年輕,就已經著作等身,有多本作品已經出版實體書,個人非常建議喜歡子爭的朋友們多多買書支持,因為喺香港,堅持寫作絕不容易!尤其網絡作者都好大方,肯將自己心血結晶都放上網俾大家任睇呢。

混沌虛無在《紙言》的文章連結:https://www.shikoto.com/i/yXy

《Penana》連結:https://www.penana.com/story/46080/

歐子爭Facebook專頁