推介五篇元祖級香港網絡小說經典(你睇過未?)

疫症期間‧喺屋企無聊無嘢做

最啱睇文!

前言:今次推介的,係已經成為經典,甚至可以話上埋神枱的本地『網文』。呢幾篇文有個共通點,都係出身於『高登講故台』,喺網文熱潮初起時,可以話係掀起一次『港式文學文藝復興』的發源地!我哋今次回顧哂當中幾篇曾經最Hit嘅故,當中有啲作者已成為紅極一時的大作家,甚至改埋做電影添!仲未睇過,唔好話自己有睇網文啊!本篇作者:阿暖

當然,今次推文,全部同樣免費網上任睇!睇過鍾意,可隨心意或能力買返實體書支持吓作者!

1.《我同二家姐一段不可告人既越軌關係》 作者:小姓奴(于日辰)

小姓奴| 香港網絡大典| Fandom

推介原因:前身為廣告界才子,曾喺高登/連登多次化名不同會員出PO講故,最後都被認出,建立起可能是香港有史以來第一位靠『喺高登寫故』走紅的作家。最擅長寫都市型愛情故事,逢出故必爆紅。及後固定咗以于日辰做筆名,出過多部實體書,每年書展簽名會例必萬人空巷,甚至後期的《一獄一世界》更曾拍成電影,由黃宗澤主演添!而本篇筆者亦特別喜愛佢寫的《倫敦金》,喺連登追文時晚晚笑到碌地,甚至追到唔捨得訓覺!

今次推介的《二家姐》可謂其代表作,感動不少讀者,影響力歷久不衰。睇過的係時候重溫,未認識小姓奴的新讀者,呢篇係最佳入門!

高登原PO:https://forum.hkgolden.com/thread/2337985/page/1

《紙言》合集:https://www.shikoto.com/articles/429.html

想買小姓奴/于日辰的實體書,可以考慮去點子出版睇睇。

2. 《男人唔可以窮》 作者:薛可正

男人唔可以窮| 香港網絡大典| Fandom

推介原因:道盡港男說不出的內心抑鬱苦楚,萬千網民深受共鳴,呢篇『男人故』可以話係『講故台』時代的代表作。呢篇文曾經紅到咩地步?主流書店一推出即霸佔暢銷榜首名,多次再版翻印亦一書難求,而呢個故的大受歡迎,亦令薛可正登上主流媒體,上電台接受訪問,報章專文介紹等,係佢將香港「網絡作家」首次提升到全城注目的地步,可以話有歷史意義!而呢個故為薛可正帶來的另一段高峰,當然係拍成港產片,聽講評價仲唔錯添!

高登原PO:https://forum.hkgolden.com/thread/4105908

《紙言》合集:https://www.shikoto.com/articles/383.html

想支持實體書,可以考慮去原出版社創造館網站睇睇。

薛可正Facebook專頁:https://www.facebook.com/sithoching

3. 《失蹤》作者:孔明

圖像中可能有顯示的文字是「 /一年一度作品 达 從 蹤 失蹤 跟蹤 迷蹤 အင 等你集齊一系列 將你帶人結界 絕不加印 絕不再版/ 」

推介原因:呢位作者係本篇作者早年最鍾意的網絡作家,佢嘅《我將一位宅女變成女神,再將自己變做佢隻兵》簡直係香港版的《挪威的森林》(日本作家村上春樹名作),寫出一代香港年輕男女的成長心路歷程。但今次推介的《失蹤》,題材屬懸疑類,個人覺得更係孔明大熟大勇的作品,一睇就欲罷不能,非常有臨場感同感染力!呢個故的長度,揸住實體書睇一流,亦非常適合拍成電影⋯⋯事實上,呢篇大作亦都電影化咗,令香港網文再一次登上大銀幕!

《紙言》合集:https://www.shikoto.com/articles/79750.html

聽講《失蹤》實體書已絕版,但想支持孔明的朋友,可以去佢自己開的網店睇睇。

孔明Facebook專頁:https://www.facebook.com/homing0624

4. 《凶港》作者:阿軒 X 超值牌

推介原因:『喪屍故』向來係香港網絡小說的大熱體裁,當中數到令呢類故發揚光大,走出『高登』的代表作,就非《凶港》莫屬了。

高登原PO:https://forum.hkgolden.com/thread/4432202/page/1

《紙言》(部份試閱):https://www.shikoto.com/articles/3259.html

阿軒 X 超值牌Facebook專頁: https://www.facebook.com/bestbuynovel

《兇港》原出版社好似係青馬文化,無自己喺網上買書,大家想支持可幫趁各大書店。誠品搵到的《凶港》實體書網上購買

5. 《獵靈少女》作者:黑霧

推介原因:第五位推介作品係有點私心,黑霧係本篇筆者認識多年,一齊並肩作戰過的文學好友。黑霧並非「高登仔」,佢係先喺Uwants等論壇活躍,然後遍及洛芙中文網,鮮網等時代,講資歷絕對夠老了。佢嘅堅持非常令人敬佩,最終努力亦都受到賞識,《獵靈少女》喺台灣正式出版,係少數先喺台灣出道的香港作者之一。要知道台灣出版社審稿相當嚴格,過稿就係一種大大的認可了。

《Penana》合集版:https://www.penana.com/story/39728/

實體書可以喺金石堂搵到:https://www.kingstone.com.tw/basic/2018578013214/

黑霧的Facebook專頁:https://www.facebook.com/writer.heiwu/

更多推介文章:

這張圖片的 alt 屬性值為空,它的檔案名稱為 20200728.png